1. ¿Que podo facer ao rematar bacharelato?Os estudios de Bacharelato son voluntarios. Xeralmente, quen estuda bacharelato quere continuar despois facendo estudios superiores, como os universitarios, os de Formación Profesional de Grao Superior ou os de Ensinanzas Artísticas. Para acceder á universidade, ademais de aprobar todo o bacharelato, necesitas superar a Proba de Acceso á Universidade (PAU, tamén coñecida como "selectividade"). Para acceder á Formación Profesional de Grao Superior tes que aprobar todo o Bacharelato. Hai outras formas de acceder aos estudios superiores para maiores de 25 anos ou persoas procedentes doutros niveis educativos.
2. ¿Como é a FP Superior?Os estudios que conducen á obtención dun título de Formación Profesional (FP) denomínanse ciclos formativos. Cada ciclo formativo está organizado en "módulos", que son como as materias e que contemplan os coñecementos e destrezas necesarios para exercer unha profesión. Os estudios de Formación Profesional de Grao Superior teñen xeralmente unha duración de 2.000 horas, repartidas en dous anos académicos. A FP é un ensino moi práctico tanto na aula (con talleres, laboratorios, etc), coma pola realización de prácticas obrigatorias (o chamado Módulo FCT ou de Formación en Centros de Traballo). Tamén hai clases teóricas nas que aprendes todo o necesario para exercer a profesión que vas desempeñar, dende aspectos técnicos ata dereito laboral e prevención de riscos, por exemplo.
3. ¿Como é a Universidade?As carreiras universitarias ou títulos universitarios de Grao duran catro anos e organízanse en materias, cada unha das cales supón varios créditos ECTS (European Credit Transfer System), que son as horas estimadas que se necesitan para aprobalas, tanto de clase coma de estudio fose de clase. Xeralmente, un curso completo é un ano, 60 créditos, equivalentes a entre 1.500 e 1.800 horas de traballo. Antes da xeneralización dos títulos de Grao de catro anos, en España había unha grande variedade de duración das carreiras: dende diplomaturas de tres anos, ata licenciaturas de catro ou cinco. Aínda quedan algunhas destas carreiras de "plan vello", pero deixarán de ofrecerse para primeiro de carreira coa xeneralización dos títulos de Grao en 2010. Ata entón, cada universidade pode ofrecer tanto títulos antigos como novos e mesmo ofrecer a mesma carreira tanto en plan novo europeo coma en plan vello. Hai algunhas excepcións aos catro anos de duración, como medicina e arquitectura, por exemplo.
4. ¿Que poderei facer despois?A Formación Profesional Superior é un ensino claramente enfocado á inserción no mercado laboral e de feito ten unhas taxas de colocación moi elevadas. Pero ademais, se te queres seguir formando, cun título de FP Superior podes entrar directamente, sen necesidade de facer selectividade, inda que podes facer a parte específica da proba de acceso para subir nota. Co Grao universitario tamén podes entrar no mercado laboral, preparar oposicións ou, se queres, segues formándote. Para iso, en España existen dende 2007 os denominados master oficiais. Se queres ser investigador, o normal é que despois fagas o doutorado.
5. ¿Que é un master oficial?En España existen dende hai anos os master privados, tamén chamados "títulos propios" das universidades. Son estudios que non teñen validez oficial porque o Estado non supervisa os contidos deses títulos nin controla a súa calidade, como si fai co título de Bacharel ou o de Grao, por exemplo. Dende 2007, en cambio, aínda que sigan existindo os master privados para quen os queira facer, existen por fin estudios de master que son oficiais, que están garantidos polo Estado e que calquera pode facer independentemente da súa capacidade económica. O seu obxectivo é proporcionar unha especialización aínda maior aos graduados universitarios que o desexen.
6. ¿É necesario que todos os universitarios fagan un master?Non é necesario. O título de grao é perfectamente válido para exercer unha profesión, igual que ata agora o eran as licenciaturas e diplomaturas. Só algunhas profesións moi concretas, como por exemplo para ser profesor de educación secundaria ou bacharelato ou para ser avogado, si requirirán un master, do mesmo modo que ata agora para ser profesor xa se requirían estudios posteriores ao de licenciado (o denominado CAP, que desaparece o 1 de outubro de 2009).
7. Quero facer un master ¿Podereimo pagar?Como para calquera outro nivel de estudio, existen bolsas destinadas aos estudantes de rendas máis baixas. Pero ademais, para o nivel de master creáronse os "empréstitos renda" que financian o master de todo aquel que o queira cursar e que reúna as condicións académicas para facelo. , Mesmo se o solicitante quere, financia unha paga mensual para poder vivir mentres estuda. En definitiva, se queres facer un master oficial o diñeiro non é problema.
8. ¿E para o título de Grao ou de FP, canto pagamento?O prezo da matrícula na Universidade, as denominadas "taxas", varían lixeiramente en función de moitos factores, como a experimentalidade da carreira, se te matriculas de materias repetidas, a CCAA onde está a Universidade, etc. En canto á FP a matrícula en centros públicos é gratuíta, salvo gastos de xestión, exactamente igual que no Bacharelato. De calquera xeito, ten en conta que en España hai unha ampla oferta de bolsas que financian dende o custo da matrícula (practicamente a metade das familias con fillos en idade de estudios postobrigatorios teñen dereito a matrícula gratis) ata a residencia ou o transporte, en función da renda da túa familia.
Máis información sobre becas en
http://www.educacion.gob.es/educacion/b ... yudas.html9. ¿Que é o proceso de Bolonia?Bolonia dá nome a unha Declaración asinada nesa cidade italiana polos ministros de Educación de 25 países europeos en 1999. Nela marcábanse como obxectivo construír un Espazo Europeo de Educación Superior no que os estudantes e titulados puidesen moverse libremente, sen necesidade de convalidar os seus estudios, para que tivesen validez e fosen comprensibles nos distintos países. Dende entón, as universidades emprenderon un proceso de introdución de cambios nos seus sistemas universitarios para conseguir este obxectivo. Agora son máis de 45 países os que estamos a traballar niso, moitos máis dos que adoptamos o euro como moeda común en 2002, por exemplo. O obxectivo final é xeneralizar a toda a vida académica o que agora se consegue coa bolsa Erasmus: que as materias e estudios cursados nunha universidade europea sexan aceptadas e recoñecidas nunha universidade doutro deses 45 países. E por suposto, coas novas titulacións, poderás traballar en calquera dos 45 países que participan en Bolonia.
10. ¿Cales son os cambios fundamentais que implica?As universidades de cada país seguirán mantendo as súas características propias e a súa independencia, pero tomaron unha serie de medidas para entenderse mellor entre elas. En primeiro lugar, todas adoptaron a mesma "linguaxe" para contabilizar as horas de traballo do alumno universitario. Son os denominados créditos ECTS (European Credit Transfer System). Tamén se acordou unha estrutura común das carreiras, similar á que se viña realizando noutros países, pero que en España era nova: todas as carreiras pasan a ser graos e desaparece a distinción entre as nosas antigas licenciaturas e diplomaturas. Por outra banda, créase a figura do "master oficial", que en España tampouco existía.
Máis información en
http://www.educacion.gob.es/educacion/e ... anzas.htmlhttp://www.edu.xunta.es/web/students
Onde estudar?
