Que é o PMAR?
Significado: PMAR son as siglas de Programa de Mellora da Aprendizaxe e do Rendemento.
Duración: Este Programa desenvólvese ao longo dos cursos de 2º ESO e/ou 3º ESO (é dicir, pode durar un ano ou dous).
Finalidade: É unha medida de atención á diversidade coa que se pretende facilitar que os/as alumnos/as alcancen as competencias de 3º ESO para que poidan cursar 4º ESO e, así, opten a conseguir o Título de Graduado/a en ESO.
Diferenzas coa vía ordinaria: No PMAR hai varias diferenzas con respecto a cursar 2º ESO e/ou 3º ESO pola vía ordinaria:
- Os grupos son moito máis reducidos (10 alumnos/as como máximo)
- Emprégase unha metodoloxía específica.
- A organización dos contidos e as materias do currículo son distintas.
- Hai moitas actividades prácticas.
IMPORTANTE!!! Finalizado o segundo curso de PMAR, o alumnado se terá que incorporar ao 4º curso de ESO pola vía ordinaria para poder obter o Título de Graduado/a en ESO.
Requisitos de Acceso
Dende 1º ESO:
Poderá incorporarse ao PMAR de 2 anos de duración, que se desenvolverá ao longo de 2º ESO e 3º ESO:
- O alumnado que teña cursado por primeira vez 1º ESO, tendo repetido en Primaria.
- O alumnado que teña cursado por segunda vez 1º ESO e non estea en condicións de promocionar a 2º ESO.
Dende 2º ESO
Poderá incorporarse ao PMAR de 1 ano de duración, que se desenvolverá ao longo de 3º ESO:
- O alumnado que teña cursado por primeira vez 2º ESO e non estea en condicións de promocionar a 3º ESO, tendo repetido en Primaria e/ou en 1ºESO.
- O alumnado que teña cursado por segunda vez 2º ESO e non estea en condicións de promocionar a 3º ESO.
Dende 3º ESO
Excepcionalmente, poderá incorporarse ao PMAR de 1 ano de duración, que se desenvolverá ao longo de 3º ESO:
- O alumnado que teña cursado por primeira vez 3º ESO e non estea en condicións de promocionar a 4º ESO, sen ter repetido o tendo repetido unha vez na ESO.
Materias e Horario Semanal
O currículo do PMAR inclúe 3 ámbitos:
- Ámbito Lingüístico e Social, que abrangue os aspectos básicos dos currículos das materias de Lingua Galega e Literatura, Lingua Castelá e Literatura e Xeografía e Historia, do 2º ESO e do 3º ESO.
- Ámbito Científico e Matemático, que trata os aspectos máis importantes correspondentes ás materias de Matemáticas e Física e Química de 2º ESO, e de Matemáticas Orientadas ás Ensinanzas Aplicadas, Bioloxía e Xeoloxía e Física e Química de 3º ESO.
- Ámbito de Linguas Estranxeiras, dedicado aos aspectos fundamentais do currículo da Primeira Lingua Estranxeira.
Os alumnos e as alumnas de PMAR terán un grupo ordinario de referencia co que cursarán as materias non pertencentes aos ámbitos.
A distribución horaria das materias e dos ámbitos en cada curso do PMAR é a seguinte:
|
Ámbitos |
Materias Ordinarias |
1º curso de PMAR
(2º ESO)
|
- Ámbito Lingüístico e Social (9 h)
- Ámbito Científico e Matemático (8 h)
- Ámbito de Linguas Estranxeiras (3 h)
|
- Educación Física (2 h)
- Música (2 h)
- Tecnoloxía (3 h)
- Reforzo en Lingua Galega (2 h)
- Reforzo en Matemáticas (1 h)
Elixir unha de entre as seguintes:
-
Relixión (1 h)
-
Valores Éticos (1 h)
|
2º curso de PMAR
(3º ESO)
|
- Ámbito Lingüístico e Social (9 h)
- Ámbito Científico e Matemático (8 h)
- Ámbito de Linguas Estranxeiras (3 h)
|
- Educación Física (2 h)
- Música (2 h)
- Tecnoloxía (2 h)
- Educación Plástica, Visual e Audiovisual (2 h)
- Cultura Clásica (2 h)
Elixir unha de entre as seguintes:
-
Relixión (1 h)
-
Valores Éticos (1 h)
|
2024