BACHARELATO

FINALIDADE.-

 Proporcionar unha formación ampla, madureza intelectual e humana, coñecementos e habilidades,que che permitan desenvolver funcións sociais e incorporarte á vida activa. Así mesmo, capacitarte para acceder á educación superior

COMO ESTÁ ORGANIZADO O BACHARELATO .-

Comprende dous cursos académicos: 1 º e 2 º e tres modalidades diferentes, que están pensadas para atender tanto á diversidade de estudos posteriores como á variedade de intereses, capacidades e aptitudes.

 As modalidades de BACHARELATO son as seguintes: 

1. Ciencias.
2. Humanidades e Ciencias Sociais 

   *Dentro da modalidade de Humanidades e CC. Sociais poderás optar polo itinerario de Humanidades ou polo itinerario de Ciencias Sociais.

3. Artes  

• • Artes plásticas
  • Artes escénicas

 Acceso

Poderá acceder aos estudos de Bacharelato o alumnado coa titulación de Graduado en ESO pola opción de ensinanzas académicas e aplicadas.

 Materias

O Bacharelato organízase en ...

• Materias troncais xerais 
• Materias troncais de opción
• Materias específicas

 Primeiro curso

 Promoción de curso.

Os alumnos/as promocionan de primeiro a segundo cando teñan superadas todas as materias cursadas ou teñan avaliación negativa en dúas materias, como máximo.

Para o alumnado que non teña superado todas as materias na avaliación ordinaria, realizaranse probas extraordinarias.

E o alumnado que promocione con materias pendentes deberá matricularse en 2º nas materias pendentes de 1º curso.

 Segundo curso

* As materias co símbolo II supoñen continuidade, o que implica que a superación da materia de 2º está condicionada á superación da materia correspondente en 1º curso.

O alumnado que o termo de 2º curso tivese avaliación negativa nalgunha materia/s, poderá matricularse delas sen necesidade de cursar de novo as materias superadas ou ben optar por repetir curso completo. 

Poderase permanecer escolarizado no bacharelato (réxime ordinario) durante 4 cursos académicos.

 Titulación:

Obterá a titulación de Bacharelato o alumnado que teña avaliación positiva en todas as materias dos dous cursos.

A cualificación final será a media aritmética das cualificacións obtidas en cada unha das materias cursadas no BAC, expresadas nunha escala de 0 a 10 con dous decimais.

REFERENCIAS LEGAIS: 

• Lei Orgánica 8/2013, 9 de decembro, LOMCE

• Real Decreto 1105/2014, estable curriculo básico da ESO e o Bacharelato

• Decreto 86/2015, do 25 de xuño, polo que se establece o currículo da ESO e o BACHARELATO na Comunidade Autónoma de Galicia.

• Real Decreto 412/2014, 6 xuño, establece a normativa básica dos procedementos de admisión ás ensinanzas universitarias oficiais de Grao

• Orde 15 xullo 2015, Orde 13 de xullo de 2016 ,Orde 3 de agosto de 2017 e Orde 7 da agosto de 2018, polas que se establecen as materias de libre configuración

• Resolución 20 de xullo de 2017, instrucións para o desenvolvemento do currículo no curso académico 2017/18,establecido no D. 86/2015.

• ORDE do 19 de abril de 2018 pola que se regulan aspectos relativos á organización das materias do bacharelato establecido no Decreto 86/2015

• RESOLUCIÓN do 11 de febreiro de 2019, conxunta da Secretaría Xeral de Universidades e da Dirección Xeral de Educación, Formación Profesional e Innovación Educativa, pola que se ditan instrucións para a realización, dentro do curso 2018/19, da avaliación de bacharelato para o acceso á Universidade (ABAU) para o curso 2019/20