#DesmontandoMicromachismos
A Concellería de Igualdade de Narón presenta a campaña de Sensibilización contra a violencia de xénero, que baixo o lema Desmontando Micromachismos impulsa unha serie de accións dirixidas a mozas e mozos de entre 14 e 18 anos dos centros de secundaria.
Nesta campaña participan dúas alumnas e un alumno de 1º de Bachareto do IES As Telleiras: Lidia Rodríguez, Natalia Montero e Miguel Piñeiro, que colaboraron na campaña cedendo a súa voz e imaxe para os vídeos, carteis e volantinas.
Nas contas de Instagram (@igualdade_naron) e Facebook (igualdade_naron) desta campaña, pódense utilizar os cancelos: #DesmontandoMicromachismos, lema da campaña, e tamén outros como: #CoartarNonÉProtexer, #PosuírNonÉAmar e #ControlarNonÉQuerer.