Formación Profesional Básica
Formación Profesional Básica
No IES Poeta Díaz Castro ofértase a titulación de FP Básica de Fabricación e Montaxe.
Familia: Fabricación mecánica
Sistema educativo: LOE
Grao: profesional básico
Horas: 2000
Código: BFME01
Que se aprende a facer?
Realizar operacións básicas de mecanizado e montaxe para a fabricación mecánica con materiais férricos, non férricos e tecnoplásticos, así como para a instalación e o mantemento de elementos de redes de fontanaría, calefacción e climatización, operando coa calidade indicada, cumprindo as normas de prevención de riscos laborais e protección ambiental correspondentes, e comunicándose oralmente e por escrito en linguas galega e castelá, así como nalgunha lingua estranxeira.
En que ámbitos de traballa?
Actividade por conta allea en grandes, medianas e pequenas empresas dedicadas á fabricación e á montaxe de produtos mecánicos e electromecánicos, así como á montaxe e ao mantemento de instalacións de fontanaría, calefacción e climatización.
Que ocupacións se desempeñan?
Peón de industrias manufactureiras; auxiliar de procesos automatizados; fontaneiro/a; montador/ora de equipamentos de calefacción; mantedor/ora de equipamentos de calefacción; montador/ora de equipamentos de climatización; mantedor/ora de equipamentos de climatización; instalador/ora de redes de subministración e distribución de auga.
Módulos deste ciclo de fp básica (ver enlace)
Titulación : Profesional básico en Fabricación e montaxe.
Requisitos de acceso a FP Básica
- Ter cursado 3º ESO ou, excepcionalmente, ter cursado 2ºESO
- Facer 15 ou 16 anos no ano de inicio do ciclo formativo
- Ser proposto/a polo equipo docente
- ademais do consentimento do pai, da nai ou dos/das titores/as legais
A proposta do equipo docente, tamén poderá solicitar a admisión na FP Básica o alumnado de 17 anos feitos no ano de inicio do ciclo formativo, escolarizado na ESO.
De quedar prazas vacantes, completaranse os grupos con persoas que cumpran os seguintes requisitos:
-
- Que fagan 18, 19 ou 20 anos no ano de inicio do ciclo formativo
- Que non estean en posesión dun título de formación profesional ou calquera outro título que acredite a finalización de estudos secundarios completos.
Duración: 2.000 horas, equivalentes a dous cursos académicos a tempo completo.
Na modalidade de FP dual, ata 3 cursos.
Titulación:
Título profesional básico.
Inclúe unha cualificación profesional básica completa de nivel 1 do Catálogo Nacional de Cualificacións Profesionais.
O título profesional básico ten tanto valor académico como profesional.
O título profesional básico terá os mesmos efectos laborais que o título de graduado en educación secundaria obrigatoria para o acceso a empregos públicos e privados. Este título capacita para levar a cabo funcións de nivel básico de prevención de riscos laborais.
Este título permite o acceso á FP de grao medio.(ver criterios de preferencia)
Acceso ao Título da ESO
Adicionalmente, segundo o Real decreto lei 5/2016, do 9 de decembro, de medidas urxentes para a ampliación do calendario de implantación da Lei orgánica 8/2013, do 9 de decembro, para a mellora da calidade educativa, ata a entrada en vigor da normativa resultante do Pacto de Estado social e político pola educación, os alumnos que obteñan un título de formación profesional básica poderán obter o título de educación secundaria obrigatoria sempre que, na avaliación derradeira do ciclo formativo, o equipo docente considere que alcanzaron os obxectivos da educación secundaria obrigatoria e adquiriron as competencias correspondentes.
Contidos da FP Básica:
... ensinanzas organizadas nos seguintes módulos:
- Módulos asociados ao bloque común:
Comunicación e Sociedade I e II, que inclue as siguientes materias:
- Lingua castelá
- Lingua galega
- Ciencias Sociais
- Lingua estranxeira
Ciencias Aplicadas I e II, que inclue las siguientes materias:
- Matemáticas aplicadas ao contexto persoal e de aprendizaxe dun campo profesional.
- Ciencias aplicadas ao contexto persoal e de aprendizaxe dun campo profesional.
- Módulos profesionais (de nivel 1 de FP) nos dous cursos, contextualizados no campo profesional do perfil do título.
Constituídos por áreas de coñecemento teórico-prácticas cuxo obxecto é a adquisición das competencias profesionais, persoais e sociais, así como das competencias da aprendizaxe permanente ao longo da vida.
- Módulo de formación en centros de traballo (FCT)
Con anterioridade ao comezo do módulo de FCT, o alumnado deberán adquirir as competencias e os contidos relativos aos riscos específicos e ás medidas de prevención nas actividades profesionais correspondentes ao perfil profesional de cada título profesional básico.
A titoría e orientación educativa e profesional terá unha especial consideración.
Cada grupo de formación profesional básica contará cunha titoría de polo menos unha hora lectiva semanal en cada curso.
A metodoloxía coa que se desenvolverán estes programas formativos terá un carácter globalizador e tenderá a integración de competencias e contidos entre os módulos profesionais de cada título. Será unha metodoloxía adaptada á necesidades do alumnado e a adquisición progresiva das competencias da aprendizaxe permanente, para facilitar a súa transición á vida activa ou favorecer a súa continuidade no sistema educativo.
e se rematas sen obter título profesional básico
... recibirás a certificación académica dos módulos profesionais superados, que terá efectos académicos e de acreditación parcial acumulable das competencias profesionais adquiridas en relación co Sistema Nacional de Cualificacións e Formación Profesional.
Tamén podes cursar a Educación secundaria de adultos (ESA) , e validar ámbitos superados de FP Básica, para obter a titulación . (Anexo VI , Orde 20 de marzo de 2018)
O portal de FP da Consellería de Eduación recolle información actualizada relativa á Formación Profesional Básica: período de admisión , matricula, oferta de formación profesional básica en Galicia
Normativa que regula a FP Básica:
ORDE do 13 de xullo de 2015 pola que se regulan as ensinanzas de formación profesional básica na Comunidade Autónoma de Galicia, así como o acceso e a admisión nestas ensinanzas.
DECRETO 107/2014, do 4 de setembro, polo que se regulan aspectos específicos da formación profesional básica das ensinanzas de formación profesional do sistema educativo en Galicia e se establecen vinte e un currículos de títulos profesionais básicos.